ഒരു പുതിയ ആന്‍ഡ്രോയിഡ് ഫോണ്‍ (Android phone) വാങ്ങി. എല്ലാ ആപ്ലിക്കേഷനുകളും ഡൗണ്‍ലോഡ് ചെയ്തു കഴിഞ്ഞു. ഗൂഗിള്‍ (Google) അക്കൗണ്ടിലേക്ക് സൈന്‍ ഇന്‍ ചെയ്തുകഴിഞ്ഞാല്‍ പൂര്‍ത്തിയാക്കേണ്ട ചില ചെറിയ ടാസ്‌ക്കുകളുണ്ട്. അവയെക്കുറിച്ച് നിര്‍ബന്ധമായും അറിയണം.
ആപ്പ് നോട്ടിഫിക്കേഷനുകള്‍ കണ്‍ട്രോള്‍ ചെയ്യാം
ഓരോരുത്തരുടെയും ഫോണ്‍ ഉപയോഗം പരസ്പരം വ്യത്യസ്തമാണ്. ഭൂരിഭാഗം അറിയിപ്പുകളും തുടക്കത്തില്‍ ശബ്ദങ്ങള്‍ സൃഷ്ടിക്കുകയും പോപ്പ് അപ്പ് ചെയ്യുകയും ലോക്ക് സ്‌ക്രീനില്‍ ദൃശ്യമാകുകയും ചെയ്യുമെങ്കിലും, ആന്‍ഡ്രോയിഡില്‍ നിങ്ങളുടെ ഇഷ്ടത്തിനനുസരിച്ച് അവയെ പൂര്‍ണ്ണമായും മാറ്റാന്‍ കഴിയും. ഇതിനായി സെറ്റിങ്‌സ് ആപ്പ് തുറന്ന് ആപ്പുകളിലേക്കും അറിയിപ്പുകളിലേക്കും നാവിഗേറ്റ് ചെയ്യുക. ഡ്രോപ്പ്-ഡൗണ്‍ മെനുവില്‍ നിന്ന് നോട്ടിഫിക്കേഷനുകള്‍ തിരഞ്ഞെടുക്കുക. അവിടെ നിന്ന്, നിങ്ങളുടെ അലേര്‍ട്ടുകള്‍ എങ്ങനെ പ്രവര്‍ത്തിക്കണമെന്ന് സെറ്റ് ചെയ്യാം. അല്ലെങ്കില്‍ ചില ശല്യപ്പെടുത്തുന്ന ആപ്ലിക്കേഷനുകള്‍ പൂര്‍ണ്ണമായും ഓഫാക്കാം. ലോക്ക് സ്‌ക്രീനില്‍ അറിയിപ്പുകള്‍ എങ്ങനെ ദൃശ്യമാകുമെന്നതും നിങ്ങള്‍ക്ക് പരിഷ്‌ക്കരിക്കാം.
ഡുനോട്ട് ഡിസ്റ്റര്‍ബ് സെറ്റിങ്ങുകള്‍ കൃത്യമാക്കുക
ക്ലാസ് അല്ലെങ്കില്‍ സ്റ്റാഫ് മീറ്റിംഗുകള്‍ക്ക് മുമ്പായി ഫോണ്‍ ഓഫാക്കാന്‍ പലപ്പോഴും മറക്കുന്നുണ്ടോ? ഇത് പൂര്‍ത്തിയാകുമ്പോള്‍ വോളിയം ബാക്ക് അപ്പ് ചെയ്യണോ? ഇത്തരത്തില്‍ കാര്യങ്ങള്‍ ഓട്ടോമാറ്റിക്കായി പരിഷ്‌ക്കരിക്കാവുന്നതാണ്. ഇത് ആന്‍ഡ്രോയിഡിന്റെ മറഞ്ഞിരിക്കുന്ന പ്രത്യേകതകളില്‍ ഒന്നാണ്, ഇത് നിര്‍ണായക സമയങ്ങളില്‍ ശ്രദ്ധ വ്യതിചലിപ്പിക്കുന്നതോ ഉച്ചത്തിലുള്ള അലേര്‍ട്ടുകളോ ഒഴിവാക്കാന്‍ നിങ്ങളെ അനുവദിക്കുന്നു. ബിഹേവിയര്‍ ഏരിയയില്‍, ഡുനോട്ട് ഡിസ്റ്റര്‍ബ് (ശല്യപ്പെടുത്തരുത്) എന്ന ഭാഗം സെലക്ട് ചെയ്ത് നോട്ടിഫിക്കേഷന്‍ സൗണ്ട്/വൈബ്രേഷനുകള്‍/ഐക്കണുകള്‍/ഡോട്ടുകള്‍ എന്നിവ നിശബ്ദമാക്കിയിട്ടുണ്ടോ എന്ന് പരിശോധിക്കുക. ഇല്ലെങ്കില്‍ ഇവ അധികമായി തിരഞ്ഞെടുക്കാം.
ഫോണ്‍ സംരക്ഷിക്കുക
നിങ്ങളുടെ ഫോണില്‍ വളരെ സെന്‍സിറ്റീവും വ്യക്തിപരവുമായ വിവരങ്ങള്‍ ഉള്‍പ്പെടുന്നുവെന്ന് ഓര്‍ക്കണം. പ്രത്യേകിച്ചും നിങ്ങള്‍ അത് ഷോപ്പിംഗ്, ബാങ്കിംഗ് അല്ലെങ്കില്‍ ഫുഡ് ഓര്‍ഡര്‍ ചെയ്യുന്നതിനായി ഉപയോഗിക്കുകയാണെങ്കില്‍. നിങ്ങളുടെ സ്വകാര്യതയും ഐഡന്റിറ്റിയും സംരക്ഷിക്കുന്നതിന് ശക്തമായ സുരക്ഷാ നടപടികള്‍ സ്ഥാപിക്കുന്നത് വളരെ പ്രധാനമാണ്. മിക്ക ആന്‍ഡ്രോയിഡ് ഫോണുകളിലും സുരക്ഷയ്ക്കായി ഒരു പിന്‍, പാറ്റേണ്‍ ലോക്ക് എന്നിവ ഉള്‍പ്പെടുന്നു, അതേസമയം അവയില്‍ പലതിലും ഫിംഗര്‍പ്രിന്റ് സ്‌കാനറും ഉണ്ട്. നിങ്ങളുടെ ഉപകരണം സ്മാര്‍ട്ട്‌ലോക്ക് പിന്തുണയ്ക്കുന്നുണ്ടോ എന്നും പരിശോധിക്കണം. ചില പ്രത്യേക സാഹചര്യങ്ങളില്‍ ലോക്ക് സ്‌ക്രീന്‍ ഒഴിവാക്കാന്‍ ഫോണിനെ അനുവദിക്കുന്ന ഒരു മികച്ച ഫീച്ചറാണ് സ്മാര്‍ട്ട്‌ലോക്ക്.
ഡിഫോള്‍ട്ട് ആപ്ലിക്കേഷനുകള്‍ കോണ്‍ഫിഗര്‍ ചെയ്യുക
പുതിയൊരു ആന്‍ഡ്രോയിഡ് ഫോണ്‍ ലഭിക്കുമ്പോള്‍, ‘ഓപ്പണ്‍ വിത്ത്’ ആപ്പ് സെലക്ഷന്‍ അലേര്‍ട്ടുകള്‍ കാണും. ഇതെപ്പോഴും വലിയ പ്രശ്‌നങ്ങളായേക്കാം. എന്നാല്‍ ഒരു ഫംഗ്ഷനായി നിങ്ങള്‍ ഇതുവരെ ഒരു ഡിഫോള്‍ട്ട് ആപ്പ് തിരഞ്ഞെടുത്തിട്ടില്ലെങ്കില്‍ അത് ആവശ്യമാണ്. തീര്‍ച്ചയായും, സെറ്റിങ്‌സ് ആപ്പില്‍ ഡിഫോള്‍ട്ട് ആപ്ലിക്കേഷനുകള്‍ ഒറ്റയടിക്ക് ക്രമീകരിക്കുകയാണെങ്കില്‍, വരും ആഴ്ചകളില്‍ ശല്യപ്പെടുത്തുന്ന എല്ലാ പോപ്പ്-അപ്പുകളെയും ഒഴിവാക്കാനാവും. ആപ്പുകള്‍ക്കും നോട്ടിഫിക്കേഷന്‍ സെറ്റിങ്ങുകള്‍ക്കും കീഴിലുള്ള ഡിഫോള്‍ട്ട് ആപ്ലിക്കേഷന്‍ ഏരിയയിലേക്ക് പോയി ഡിഫോള്‍ട്ട് ആപ്പുകള്‍ സെറ്റ് ചെയ്യുക.
ഗൂഗിള്‍ അസിസ്റ്റന്റിന്റെ വോയിസ് മാച്ച് ഫീച്ചര്‍ പരിശീലിപ്പിച്ച് ഓകെ, ഗൂഗിള്‍ പ്രവര്‍ത്തനക്ഷമമാക്കുക
നിരവധി പുതിയ ഫോണുകളിലെയും തുടക്കത്തിലെ സെറ്റിങ്ങുകളില്‍ ഗൂഗിള്‍ അസിസ്റ്റന്റ് ഉള്‍പ്പെടുത്തിയിട്ടുണ്ടെങ്കിലും, പലരും വോയിസ് മാച്ച് ഏരിയ നഷ്ടമാക്കും. പുതിയ സ്മാര്‍ട്ട്ഫോണ്‍ പഴയ വോയ്സ് മോഡല്‍ ഇംപോര്‍ട്ട് ചെയ്തതാണോ അതോ തിരക്കേറിയ കാരിയര്‍ സ്റ്റോര്‍ പോലെയുള്ള ബഹളമുള്ള സ്ഥലത്ത് സ്മാര്‍ട്ട്ഫോണ്‍ സജ്ജീകരിച്ചതോ ആയേക്കാം. അതു കൊണ്ട് തന്നെ ഇത് നഷ്ടമായാലും, പുതിയ ഫോണില്‍ വോയിസ് മാച്ച് പരിശീലിപ്പിക്കാന്‍ ശാന്തമായ ഒരു സ്ഥലം കണ്ടെത്തുന്നതാണ് നല്ലത്. ഡിസ്പ്ലേ ഓഫാണെങ്കില്‍, ‘ഓകെ ഗൂഗിള്‍’ എന്ന് പറയുന്നത് നിങ്ങളുടെ ഫോണിനെ ഉണര്‍ത്തുമെന്നും ലോക്ക് ചെയ്തിരിക്കുകയാണെങ്കില്‍ അത് അണ്‍ലോക്ക് ചെയ്യുമെന്നും ഉറപ്പുനല്‍കണം.
എമര്‍ജന്‍സി എസ്ഒഎസും മെഡിക്കല്‍ വിവരങ്ങളും സജ്ജീകരിക്കുക
നിങ്ങളുടെ പുതിയ ആന്‍ഡ്രോയിഡ് ഫോണ്‍ കോണ്‍ഫിഗര്‍ ചെയ്യുമ്പോള്‍ നിങ്ങളുടെ മെഡിക്കല്‍ വിവരങ്ങള്‍ നല്‍കുകയും എമര്‍ജന്‍സി എസ്ഒഎസ് ഫീച്ചര്‍ സജീവമാക്കുകയും വേണം. സുപ്രധാന മെഡിക്കല്‍ വിവരങ്ങളിലേക്ക് ആക്സസ് ഉണ്ടെങ്കില്‍, ഒരു അപകടമുണ്ടായാല്‍ നിങ്ങളെ സഹായിക്കാന്‍ എമര്‍ജന്‍സി റെസ്പോണ്ടര്‍മാരെ പ്രാപ്തമാക്കും. എമര്‍ജന്‍സി SOS പ്രവര്‍ത്തനക്ഷമമാക്കിയിരിക്കുന്നത് അടുത്ത തവണ നിങ്ങള്‍ അപകടത്തില്‍പ്പെടുമ്പോള്‍ നിങ്ങളെ സഹായിക്കുകയും സുഹൃത്തിനെയോ കുടുംബാംഗത്തെയോ അറിയിക്കാന്‍ നിങ്ങളെ അനുവദിക്കുകയും ചെയ്യും. ഉപയോക്താവിന് സിസ്റ്റം കോണ്‍ഫിഗര്‍ ചെയ്യാനും അങ്ങനെ അത് തനിയെ എമര്‍ജന്‍സിയെ ബന്ധപ്പെടുകയും കൂടാതെ/അല്ലെങ്കില്‍ ഒരു എമര്‍ജന്‍സി വീഡിയോ റെക്കോര്‍ഡ് ചെയ്യുകയും ചെയ്യുന്നു.